- 1 -

1270 (24. listopada) [Wrocław].

Wrocławski książę Henryk IV. Probus przekazał swoje księstwo w opiekę czeskiego króla Przemysła Ottokara II. Przemyślidy (formalna regencja) etc.

— In nomine domini amen. Cum etatis tenere fragilitatem de nature consuetudine quedam mentis obnubilet hebetudo, ita ut ad regimen et gubernacionem terranun insufficiens sit ingenium puerile, nos Heinricus dei gracia dux Slezie annorum nostrorum immaturitatem consideracionis oculo diligencius intuentes de ubertate quoque sanioris baronum nostrorum consilii fideliter informati karissimi patrui nostri domini Othakari serenissimi Boemie regis cum omni dicione terrarum nostrarum et cum oniversis et singulis per districtum nostri dominii constitutis tutele et gubernacioni voluntate non coacta sed libera omnino et salubriter duximus submittendos. De cuius etiam benignitatis et sinceritatis plenitudine, que racione consanguinitatis ad integritatem amoris mutui unitive nos confibulat, specialem fiduciam hausimus et perfectam non dubitantes sed de sua magnificentia presumentes, quod de nobis nostrisque omnibus curam gerere debeat utpote pater alter. Nos denique mandatorum suorum volentes semper semitis adherere testimonio presencium profitemur et promittimus bona fide, quod nexu matrimonialis contractus nos nunquam ligabimus vel aliqua alia amicicia seu aliter quoquo modo sine sua consciencia et consensu, nullaque feoda, nullas hereditates aut magnam pecuniam alicui vel aliquibus eo inscio volumus elargiri nulla eciam magna vel ardua negocia sive in iudiciis sive in factis [aliis] pertractabimus sine ipso. Ad terram autem nostram, cum apud ipsum fuerimus, gressus nostros nullatenus dirigemus nec moram aliquam in illa trahemus sine ipsius licencia speciali, sumptus quoque moderatos, cum in ipsa nos esse contigerit, faciemus, ad suam iussionem seu vocacionem ad ipsum, ubicunque fuerit, ibimus et pro sue arbitrio voluntatis iterum ad propria revertemur. Adhuc autem nullo contradictionis ingenio seu acumine humane astucie a tutela et cura memorati domini regis curabimus vel ordinabimus liberari, donec per industriam baronum tam suorum quam nostrorum iudicemur terrarum nostrarum dominium posse legittime gubernare. Super quibus per nos inviolabiliter observandis spontaneum prestitimus iuramentum venerabilibus patribus et dominis Th(ome)Tomasz II. Zaremba, biskup wrocławski w l. 1270 – 1292, znany z wieloletniego sporu z ks. Henrykiem IV. Probusem episcopo Wratizlaviensi et W(ilhelmo)Książę Wilhelm I. z Nysy episcopo Lubucensi, presentibus baronibus nostris videlicet domino Janussio de (Michalow) domino Themone (de Wezenburg) et Iwano etc. et multis aliis promittentibus pro nobis sollempniter. Quod si alicuius predictarum nostrarum promissionum fuerimus transgressores, supradicti domini episcopi statim ponendi terram nostram sub interdicto et recedendi a nobis cum omnibus nostris et adherendi domino regi plenam et liberam habeant facultatem. In cuius rei testimonium presens instrumentum iussu nostro confectum sigilli nostri munimine fecimus roborari.
Actum et datum etc. anno dominice incarnacionis millesimo ducentesimo septuagesimo octavo kalendas Decembris.

Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.